Adiu com t'apèras ?
Que m'apèri Pèir.
Quin atge as ?
Cinc ans.
On vas a l'escòla ?
A Monthòrt.
On demoras ?
Que demori a Laureda.
En quina classa ès ?
En grana seccion.
Com s'apèra la toa regenta ?
Cristiana.
Que hès en classa ?
Que tribalhi.
Quina sòrta de tribalh ?
Un laberint.
Çò qu'es aquò un laberint ?
Que cau saber on es la camin de la maison.
E çò que hès enqüèra com tribalh ?
Tanben, que m'entraini a har los (las) chifras.
E ditz-me, dab qui t'ès amusat a la recreacion ger ?
Que'm soi amusat au toro-ball dab Mateo, Baptista R. Kilian e puish pas Tòni.
Qu'as minjat ger a mieijorn ?
Un chic de milhòc dab ton, e puish un chic de carn e carròtas. E en dessèrt, ris lèit.
E que t'agradan com jòcs ?
Que m'agrada de har ua maquina e ua maison.E com hès aquò ?
Ben que i a jòcs, là, que son construccion(s). E puish que cau essajar de préner causas entà har ua maison.
E que vas har pendent las vacanças ?
Tè, que'm vau amusar dab Simon, hòrt plan. Que vau har lo pèc.
Que hès quan vas au casau ?
Que passegi la guita.
E après ?
Que passegi los motons.
Qui ?
Los motons.
E qu'es tot çò que hès ?
Non, que corri.
Çò que i a au casau ?
Au casau que i a motons, ua guitòta, garias, e puish arbos e ua cabana, un nid tà las garias e un nid tà la guita.