Aquiu un metòde d'aprentissatge deu gascon, a l’encòp pedagogic e ludic, concebut per Patric Guilhemjoan e peu dessinator Ohazar, coneishut peu son talent e l’arsec deu son calam. Lo purmèr tòme que compren tretze de las vint-e-cinc unitats d’aprentissatge e que s’acompanha de documents audio telecargaders mercés au ligam qui'vs serà enviat per corric autanlèu la vòsta comanda validada. Aqueth apèr qu’ei destinat a un public diversificat : començants, monde qui parlan un chic, qui n'an pas parlat despuish longtemps… Qu’es tanben un supòrt pedagogic de cors entaus adultes.