Lo papeta que sabó
Hèr boishòrlas, hèr boishòrlas,
Lo papeta que sabó
Hèr boishòrlas de sabon.
Au son arrèrhilh Miquèu
Que’u te balha un tròç de palha,
Deu son arrèrhilh Miquèu
Bèra bòla monta au cèu.
Mes beròja que las flors
Bèra bòla de qui vòla
Mes beròja que las flors
Mirgalhada de colors.
Mes la bòla plan sovent
Dura pas, la bèra bòla
Mes la bòla plan sovent
Que s’esglacha au mendre vent.
A mon arrèrhilh Miquèu
Jo tau causa l’èi pas dita,
Per’mor lo petit Miquèu
Qu’ac aprenerà pro lèu.
Òc, Miquèu, atau que n’ei
Deus sauneis de la joenessa,
Òc, Miquèu, atau que n’ei
De tant de beròis sauneis !