— On te’n vas anar aqueste ivèrn ? ce disè lo gatòt au passiròt.
— Ací , lahòra, on s’escadi ! ce respon l’auseròt.
— E on vas trobar de qué minjar ?
— Sus l’èira deu cerèr dab las garias !
— Mes on t’anaràs aporar ?
— E que’m creds pro pèc entà t’ac díser ?
— Si, si, ditz-m’ac, passiròt, lo men amiguet ! ce he lo minon d’ua votz amistosa.
— E òc, entà que’m vienis gahar, gran faussilhàs !
E lo passiròt que s’esparvolà.
Leishem córrer los faussilhàs.