Dens la peluisha tota esloisha
après lo temps de l’entutada
Mossur l’ors acaçava
quauque puç qui tot l’ivèrn
la sang li avè shucada.
Un badalh a boca ubèrta
quin caisharrumi !
e quina hami !
dus còps de mus l’aiga venteja
cap a l’arriu chancant
se’n va
tà pescar trueitas
tà esdejuar.
Mèste Martin viste qu’engrèisha
vad hèra bèth
qu’a lo peu lis
de’s hartar peishs
de minjar fruta
e tà fenir un drin de mèu
qua va panar a las abelhas.
Mèste Martin beròi mossur
que s’a adara de trobar dauna
e quan se l’aja encontrada
e plan dab era hèit la jogada
navèth orset que vaderà.
Lavetz
la vita d’ors perseguirà
per la montanha pirenenca.