Mèste Mèrlo s’a passat
de dimenge lo costume
plan lissat plan esclicat.

Vestit negre de coda au cap
se’n va per ceremonia.

Elegant que s’a hicat
au peruc drin de color
shisclet jaune arrajat.

Vestit negre de coda au cap
se’n va per ceremonia.

Cap au cerisèr s’apotja
d’un sautet d’ua volada
e tostemps plan aprestat.

Vestit negre de coda au cap
Aquí qu’ei la ceremonia.

Companhons que s’arretròban
tà shiular, tà batalar
e hartà’s de las cerisas.

Vestit negre de coda au cap
pòrta lo dòu de las cerisas.