Aquiu un cederòm bastit sus la basa deu conte de Dominique Commet e Kamel Guennoun « Dominò », illustrat per Serge Khakhoulia.
Qu'estó concebut entà las classas de l'escòla primària dens las Lanas dens l'encastre de la preparacion pedagogica a la virada de l'espectacle de Dominique Commet. Qu'i trobaratz l'album lejut, nau serias de dètz mots en gascon (los personatges, las accions, los nombres, las colors, l'espaci, los lòcs, lo còs, los objèctes, lo cèu) que poderatz apréner. Cada mot que correspon a ua carta ; en clicar dessús qu'enteneratz lo mot correspondent. Un còp que sàpitz quauques serias de mots, que v'i poderatz har a reconéisher quauques frasas simplas bastidas dab aqueths mots, e atau apréner a har quauques frasas simplas en gascon.