Skip Navigation LinksAccueil > Comandar > Entaus mainats
Entaus mainats

Lo men conilh Patata   12,00 €
Christine Roussey
200 x 275 – 28 paginas – 2018
L'encontre estranh enter un conilh nan pas completament com los autes e lo son mestoròt. Un àlbum entà apréner a gerí's las emocions.
A comptar de 6 ans.

Deu bohonet qui volè saber qui l'avè hèit suu cap   15,00 €
Werner Holzwarth / Wolf Erlbruch
24 paginas – 21 x 29,7 – 2018
En sortir de casa, lo bohonet que s’amassa suu cap un estrontàs shens saber d’on vien. Plof ! Tà trobar lo cagador, que hè anar l'enquèsta en questionar las bèstias qu'encontra. Plaf ! ce hè lo pastissòt deu colom… Clopdiclop, las cagalhas deu chivau… Ratatatà, las havòlas redonas deu conilh… Dinc e tròbi a Joan Enric, lo can deu carnissèr ! E plic ! Lo bohonet que’s venja en lo deishar càder la cuenta suu cap ! Escatologica com ne’s pòt pas mei, mes hèra amusanta, l'istòria qu’encanta e diverteish los petits (a comptar de dus ans).

Lo terrorisme explicat aus nostes dròlles   10,00 €
Tahar Ben Jelloun
14 x 22 – 80 paginas – 2017
Los joens que son los purmèrs sangtradits per la paur qui s’ei gahada au còr d’Euròpa, e en França especiaument, despuish los darrèrs atemptats djihadistas.
Quin ajudà’us a se’n des·har ?
En hicar mots sus las causas. En arretrobar l’istòria deu mot terrorisme e de las realitats qu’ensenha, despuish moments deus mei crudèus de l’Istòria dinc a l’aviada actuau deu fondamentalisme islamista, au quau la màger part deu dialògue ei consacrada.
Enqüèra un còp, Tahar Ben Jelloun que s’explica ací dab la soa hilha.
Escrivan, romancèr, Tahar Ben Jelloun que recebó lo prèmi Goncourt en 1987 per La Nuit sacrée.

Istòrias estranhas e contes bistòrts   6,00 €
Laura Bennevault
125 x 210 – 56 paginas – 2017
Cinc istòrias conhidas de magia on mainats amusants e van víver aventuras pas briga comunas !
Piratas, broishas barluècas, hadas e hadets esberits, princessas e personatges mei que’vs seguiràn en un univèrs magic.
Planvienuts dens lo monde fantastic deus mainats on tot e vad possible !

« Un, dus, tres que dèishi la magia deu libe vàder en jo. Haut ! Qu’i vam ! »

Ne voi pas anar tà l'escòla   13,00 €
Stephanie Blake
27,5 x 22 – 28 paginas – Per Noste 2017
Qu'ei la velha de la rentrada e Simon qu'a ua responsa mei estimada. Quan la mair e'u ditz : « Que vas anar tà l'escòla, » quan lo pair e'u promet : « Que vas apréner l'alfabet, » Simon qu'a un aire esvarjat e monsorre e que crida : « Ne va pas non ! » Qu'ei lo jorn de la rentrada e Simon n’i vòu pas anar. Mes un còp sus plaça, après d'aver drin plorat, que s'avisa que hèn un hèish de causas extraordinàrias a l'escòla. Lavetz, lo ser, quan la regenta e'u ditz que se'n cau anar, e sabetz çò que respon ?

Qui a pilhat las lordèras   15,00 €
Luan Alban – Grégoire Mabire
23,5 x 25,5 – 42 paginas – 2016
Mentre que se’n va cada matin tau tribalh, Jòrdi lo pirata que descobreish un desarrolh tarrible per las arruas : los sacs de lordèras que son en desestruç au sòu, las pèths de bananas que son arronçadas per las frinèstas… E dab rason ! Las caishas de las lordèras qu’an desapareishut e los amassadèishas qu’an desatelat.
Jòrdi, un ciutadan exemplar, que pren la direccion de las operacions. Qu’organiza au vilatge la tria e lo reciclatge de totas las dèishas, puish que s’i hè tà arretrobar… lo copable !

Tan gran   14,00 €
Laurie Cohen & Marjorie Béal
38 paginas – 21 x 15 – 2016
Un àlbum entà compréner a quin punt èm tan grans.

Taus mainats dinc a 36 mes.

Mistèri en cosina   14,00 €
J. Marque – K. Randoara
30 paginas – 23 x 17 – 2015
A la velha d’ua gran hèsta familiau, un crime estranh qu’ei estat cometut en la cosina de dauna Juliana : lo somptuós capèth de Lady Feliça, la còca-en-piramida, qu’ei estat panat ! Lo celèbre inspector M. Porret qu’ei estat ahremat. Peuariçat e apelhat dab un elegant vestit de ceremonia verd, aqueste qu’interròga tots los suspèctes. A despieit deu son talent immense, e s’i escaderà a trobar lo copable ? Ei Bernardina Briòcha, los hrairs Coquets de crèma o Ròqui lo cafard, lo shens-papèrs ?
Ua enquèsta tarribla e de non pas créder !

Tan Petit   14,00 €
Laurie Cohen & Marjorie Béal
15 x 21 – 40 paginas – 2015
Convien entaus dròlles de mensh de 36 mes.

Un àlbum tà compréner a quin punt èm tots Tan petits...

La gatamina qui avè hèra de hami   17,00 €
Eric Carles
22 x 31 – 24 paginas – Per Noste – Ortès – 2014
Àlbum entaus mei petits.
Un classic hèra coneishut. Que hè quasi cinquanta ans qu'aquera gatamina existeish, shens aver perdut arren deu son succès dab los mainats ! Un libe qui escad la proessa de har descobrir en medish temps los jorns de la setmana, los aliments, las chiffras, lo cicle de vita deu parpalhon… e de retiéner l’atencion dab aqueths famós horatòts !

Tres ueus   16,00 €
Eric Battut
23 x 24 – 26 paginas – Per Noste – 2014
Àlbum entaus petitons.

Tres ueus en un nid, un negre, un blanc e un pigalhat.
Piu piu ! Un auseron blanc que sòrt de l’ueu.
Piu piu ! Un auseron negre que sòrt deu son, e tots dus qu’espian l’ueu pigalhat au miei deu nid.
— Anem, haut ! Tà dehòra ! ce s’escridan.
Mes an rason de’s desbarrassar deu tresau ueu ?

Museta murgueta   19,50 €
Stéphane Milleron, Quitterie Laborde
Per Noste 2014 – 32 paginas – 32 x 22
Àlbum taus mainats
Harta deu brut deus vesins, Museta la murgueta que’s dèisha lo solèr e que se’n va en cèrcas d’un navèth sobac. Pendent lo son viatge, qu’encontra bèstias hèra diferentas d’era, mes nada non la pòt arcuélher. Lavetz, qui volerà partatjar soa casa e obrí’u lo còr ?

Los indians   17,00 €
Richard Marnier & Aude Maurel
38 paginas – 23 x 30 – 2014
Taus mei petitons :

Piratas, soldats, chivalièrs…
Tota ua corderada de guerrèrs que se’n van tau combat.
Que bracejan e que s’esganurran, quan los indians,
anatz saber perqué, ne disen pas arren…
Aquesta istòria qu’ei ua invitacion a la non-violéncia e a l’amor…
Atge : 0-6 ans

Quin tirà's lo lop deu puisheu ?   15,00 €
Clement Chabert
31 pages – 29x21 – 2013
Un còp èra, que i avè un ligòt de motons paurucs qui volèn a tot hòrt tirà’s deu puisheu un tarrible lop glapaut. Lavetz, qu’avón au torn ideas susprenentas e estonablas : atucà’u dab un rocàs, enganar l’enemic en se desguisar… en lop !, minjar dinc a en·hlar com crums e envolà’s enlà deus sons caishaus… L’imaginacion deus motons e i haré càber la hami
deu lop ? E poderàn pèisher en patz fin finau ?
Atge : Autanlèu 5 ans

Brigalhas de letras   10,00 €
Anne Thiollier
130 paginas – 14 x 22 – 2013
« En aqueste mocaderòt, que i a ua envolòpa sagerada. Ne l'obriràs pas sonque quan sias gran acerà. »
Fengfeng dab pair e mair que s'an quitat lo país tà s'installar a París. Tota setmana qu'escriu a Mairbona demorada en China, mes que'u cara la vertat :
que hè gris e sombre e n'a pas nat amic. Lavetz perqué, un dia, e descobreish miaças en·hicadas en un quasèrn ?
A travèrs lo portrèit d'un adolescent paracadudat en ua cultura que ne descòda pas, Anne Thiollier que'ns convida a descobrir l'us e las leis d'ua comunautat.
Atge : autanlèu 10-11 ans

Istòria d'un calhòc e deu gat qui l'ensenhè a volar   8,00 €
Luis Sepúlveda (revirada de Joan Pèir Darrigrand)
14 x 22 – 88 paginas – 2012
Luis Sepúlveda que prometó aus sons hilhs de’us escríver ua istòria suu mau que hèm, nosautes umans, au noste enviroament en nse’n mau ocupar, abismant la natura e tanben a nosautes medishs. Atau qu’ei vaduda aquesta istòria qui conta las benalèjas de Zòrbas, un gat gran, negre e bèth, dab un hòrt sentiment d’aunor, qui’u mia un dia a s’engatjar a suenhar un piòc de calhòc. La soa mair qu’èra un beròi calhòc gahat per ua andada de petròli vueitat a la mar per un batèu hastiau. Au moment de’s morir, que dèisha en responsabilitat a Zòrbas l’ueu que s’a ponut. Zòrbas qu’ei un gat de paraula e que va complir las promessas hèitas : que va coar l’ueu, que va suenhar lo piòc, mes tanben que’u va ensenhar a volar. Los amics de Zòrbas, Secretario, Quiacsaptot, Capauvent, e Colonello, que’u van ajudar en ua òbra qui, qu’ac vederatz, n’ei pas autant aisida com çò qui sembla, mensh enqüèra tà ua bandalada de gats mei acostumats a’s pelejar en la dura vita de gats de pòrt com lo de Hamborg, qu’a estar los pairs d’un nenè de calhòc.
Atge : 13 ans

Pèir e lo lop   16,00 €
Sèrgi Prokofiev
Àlbum & CD - 15 x 19 – 32 paginas
Illustracions de Phil Castaza
Conte revirat e dit per Patric Guilhemjoan
Orquèstra « Saison Russe » gavidada per Andreï Tchistiakov
Conte musicau taus mainats op. 67
En aqueste conte musicau, cada personatge de l’istòria qu’ei figurat per un instrument diferent : l’ausèth per la flabuta, lo guit peu clarin, lo gat per la clarineta, lo pairan peu basson, lo lop per tres còrns, los caçaires per las timbalas e la gròssa caisha, e tà acabar, Pèir, l’eròi, peus instruments de còrdas. Adara qu’ei hèita la presentacion, descobrim las aventuras de Pèir e lo lop…
Atge : Autanlèu 3 ans

Harry Potter e la crampa deus secrets   16,00 €
J. K. Rowling
268 paginas - 14 x 22 - 2011
Harry Potter qu’ei un broish. Qu’ei en segonda annada a l’escòla de broishami de Hogwarts. Ne’s dobta pas enqüèra aquesta annada que serà autan conhida d’eveniments com
la d’avant…
« Lo segond libe de Joanne Rowling qu’ei autant amusant, esvarjant e inatendut com lo purmèr. »
The Daily Mail
« Harry Potter e la crampa deus secrets qu’ei autan bon com
lo son predecessor… Hogwarts qu’ei ua creacion d’engèni. »
The Times Literary Supplement
Atge : autanlèu 9 ans

Hornet Flash   10,00 €
Phil Castaza
32 paginas - 22 x 22 - quadricromia - 2011
Quin vàder un super-eròi ? Tot qu'ei explicat en aqueste àlbum qui plaserà autanplan aus petits com aus grans.
Atge : Autanlèu 6 ans

Harry Potter e la pèira filosofau   16,00 €
J. K. Rowling, trad. Karine Richard Bordenave
14x22 cm – 236 paginas
Harry Potter que pensa d’estar un gojat ordinari, dinc un gigant de las
subercilhas espeluhadas e’u vieni sauvar, que s’inscrivi a Hogwarts,
l'escòla de broishami, qu’apreni a har au quidditch, e que's bati en un duèl
mortau. La rason… HARRY POTTER QU’EI UN BROISH !
Atge : autanlèu 9 ans

Joanne Kathleen Rowling que vadó a Chipping Sodbury, au Gloucestershire en Anglatèrra en 1965. Que hasó estudis a l’universitat d’Exeter e a la Sorbonne, a París. Qu’ei diplomada en literatura francesa e en filologia. Aquesta òbra que pareishó en anglés en 1997 e qu’encontrè autanlèu un succès immense. L’autora que viu actuaument en Escòcia e que’s consacra a l’escritura.

L'estiu deu huec gran   18,50 €
Joan Loís Lavit
20,5x20,5 ; 66 paginas ; 2009.
L'estiu deu huec gran
de Joan Loís Lavit

E seré un conte iniciatic ? Lhèu.
Los mondes deus petits e deus grans e son vertadèrament diferents ? A saber !
Los grans com los petits qu’i trobaràn lo plaser de partir en sauneis e la montanha que’us i ajudarà.
Joan Loís Lavit qu’ei un autor coneishut e reconeishut dens lo maine de la literatura occitana en Gasconha. Qu’entra ací dens la literatura entà la joenessa e qu’ei ua bèra escaduda.
Atge : 13 ans

Sauvar la Cristal   2,00 €
Joan Miquèu Dordeins
96 paginas - 18,5 x 10,5 cm
En la colleccion Bib’òc, coedicion Per
Noste, Nosauts de Bigòrra, Ideco.

Pèir l'ors   2,00 €
Abbadie Marcel
(16 x 24 cm, 64 p., Couv. ilustrée)
Dens las montanhas bearnesas tresplombant la vath d'Aussau, un dròlle, Pèir, qu'encontra ua orsa
e lo son petit, deus quaus e's hè amics. D'aquiu enlà que viu aventuras extraordinàrias....

Pèir l’ors viatge en la preïstòria (EN PROMOCION)   2,00 €
Marcel Abbadie, illustrat per la soa hilha Silvane Abbadie
Coedicion Atlantica e Per Noste. Libe de 98 paginas – 24 x 16 cm
En 1996, que pareishè lo purmèr conte. Lo eròi n’avè pas sonque nau ans. En aqueste libe, Pèir e la soa amiga Flor qu’an tots dus tretze ans. Que prenen la decision d’explorar l’espeluga de Malarròda au dessús d’Arudi, en vath d’Aussau. Mes que podèn comptar dab l’orsa Canèla qui’us va enviar en l’an -20000, en companhia deus òmis preïstorics.

Ua isla en Peirigòrd   2,00 €
(34 p. 20,5 x 26,5 cartonné)
Ua istòria de color entaus mainats.

Robinson Crusoë   2,00 €
Quadrichromie (19 x 25 cm.)
Benda dessenhada. Quadricromia (19 x 25cm)