|
Initiation au gascon |
- 5,00 % 18,50 €
17,58 €
|
| Robert Darrigrand |
|
| 15,5 x 21,5 - 4au edicion 282 paginas – 2012 |
|
|
40 tèxtes classics corts (contes, poesias, cronicas etc.). Cada tèxte qu'ei acompanhat d'ua leçon de vocabulari, de comentaris gramaticaus, d'ua revirada francesa, d'arreproèrs, d'idiotismes, e de devinalhas. Los tèxtes que son causits dab l'amira d'amuishar la varietat lingüistica de tota Gasconha. En annèx : biografia deus autors, tablèu de conjugason, indèx lexicau, carta de Gasconha. Aqueste obratge que da lo parat d'anar enlà deu nivèu de començant.
L’Initiation au gascon qu'ei lo purmèr manuau modèrne d’aprentissatge de l’occitan de Gasconha, editat per Per Noste en 1971. Hèra de generacions d’aprenents que l'an emplegat dab succès. Açò que n'ei un fac-simile integrau.
Qu'ei gessit d’ua epoca quan l’immensa majoritat de'us qui desiravan apréner la lenga e l’entenèn tot dia o l’avèn entenuda hèra regularament quan èran mainats. N'ei donc pas ua iniciacion vertadèra au sens que l’entenen uei, mes un manuau d’aprentissatge tà'us qui an dejà quauques coneishenças. Lo son interès principau qu'ei d'estar bastit mercés a extrèits d’òbras d’escrivans gascons d’epòcas e d’originas variadas, e qu’ei atau completament intemporau. Qu'interessara uei tots los qui vòlen reaproprià's la lenga en viatjar capvath lo noste patrimòni literari.
|
|
Apprends-moi le gascon |
- 5,00 % 35,70 €
33,92 €
|
|
|
| Logiciel d’apprentissage sur 20 niveaux |
|
|
Logiciau d’aprentissatge de l’occitan de Gasconha, en coedicion dab Linguashop. Aquera atruna qu’ei compatibla Windows ; entà Mac que cau un emulator. Qu’ei un metòde Linguashop qui existeish dejà en 45 lengas, ua majoritat de las quaus son lengas minoritàrias. Que’s presenta en quate partidas : gramatica, vocabulari, prononciacion (sistèma de reconeishença vocau), e istòrias. Lo logiciau que’vs presenta un mot o ua frasa a l’ecran en francés (o en castelhan, o un hèish d’autas lengas que podetz causir au nivèu deus reglatges) que cau revirar en gascon. Que podetz tanben har lo contrari. Los resultats que son pro rapides s’i investeishen un chic de temps.
Un sistèma de reglatge de las preferéncias que permet de causir paramètres qui personalizan l’aprentissatge en foncion deu nivèu e de las atentas de cadun. Que podetz atau avançar mei o mensh viste. Aqueth metòde qu’ei un bon complement entà’us qui segueishen cors, o entà’us qui aprenen solets shens aver quauqu’un qui parli a casa. Entà véder mei en detalh lo foncionar d’aqueth logiciau, anatz a la rubrica telecargament, « Apprends-moi le gascon ».
|