Skip Navigation LinksAccueil > L'associacion > Actualitats

 Que sòrt a Per Noste : 

 

 

Tostemps arren ?

 

Lo sénher Loís que planta ua semença e que torna mantun jorn de seguida entà constatar l'evolucion deu semiatge. Qu’a paciéncia, mes dab limits.

Autanlèu 2 ans.

40 paginas – 17 x 17 - 13,50 € - Per Noste - 2018 

 

ISBN : 978–2–86866–142–5

 


Que sòrt a Per Noste

 

Las emocions

de Cécile Langonnet e Soufie Régani

 

Tot lo long de la vita, las emocions qu’an un ròtle màger en lo noste equilibri personau e en la regulacion deus nostes comportaments. Que ns’infòrman suu noste estat e sus çò qu’avem besonh tà estar plan. Que condicionan tanben las nostas relacions dab los autes. Las emocions que ns’expausan tots a ua experiéncia complèxa e envadissenta, sovent de mau compréner, e tanben quan èm adultes.


Per aquò, lo mainat qu’a besonh deu sostien de l’adulte tà las compréner e tà apréner a agir de faiçon apropiada. Ensenhar au mainat a conéisher las emocions, qu’ei convidà’u a hicà’s a l’escota deu son còs tà ajudà’u a mei plan gerir las soas ressorças emocionaus e relacionaus.

Las Emocions. Esmais… e jo, tot partvirat que soi?! qu’ei un obratge destinat au mainat e aus adultes qui l’atorejan tà l’envitar a parlar de las soas emocions.

A léger amassas tà passar un temps de partatge conviviau e constructiu, lo parat tau mainat de s’apropriar nocions importantas tà l’ajudar.

Orthez – Per Noste – 2018 –  36 paginas – 20 x 30 – 13,90 € 

 ISBN : 978–2–86866–140–1

 

 

 

 


Que sòrt a Per Noste :

EN CLASSA DE NÈU

 

De Laurent AUDOUIN

 

Diluns, dab la classa, que partim per ua setmana en classa de nèu ! Lo programa de la setmana, qu'ei : esquí, esquí, esquí… esquí enqüèra, esquí enqüèra, esquí enqüèra e enqüèra ! En dus mots, a la fin de la setmana, que seram au minímum campions olimpics. Los CPs de dauna Darrigueta, (la classa deu hrair, Pèir) que vieneràn dab nosautes… GRRR. Que " van voler cranejar ", com ac disen, mes que haràn mensh los malinòts au som de las pistas !??

Orthez – Per Noste – 2018 – 155 x 195 – 50 paginas – 13 €

ISBN 978-2-86866-141-8