•  La purmèra rubrica que pertòca l'associacion Per Noste. Qu'i trobaratz las nostas informacions, ua presentacion de l'associacion.
   
• A la rubrica « País gascons » que i a un motor de recèrca entà  arretrobar quin article de la revista País Gascons que sii, despuish la creacion en 1967. Qu'ei tanben aquiu que'vs poiratz abonar o tornar abonar en linha a la revista.
   
•  Dens la rubrica « A hum de calhau » que podetz accedir au metòde d'ensenhament de l'occitan de Gasconha deu medish nom dens la version adaptada a Internet. L'unitat 1 qu'ei en demostracion a gratis. Si desiratz accedir a las autas unitats per ua durada d'un an, que devetz clicar sus « comandar » e pagar lo dret d'accès per carta bancària.
   
•  La rubrica « Exercicis interactius » que perpausa exercicis entà apréner lo gascon. Aquera rubrica que pòt estar utilizada per tots los ensenhaires entà fabricar los sons exercicis e emplegà'us en seguint dab los sons escolans – entad aquò, que cau sonque estar identificat  (entad aquò, clicar suu ligam « Pas enqüèra inscrivut » en baish de pagina). Lo tribalh de cadun qu'ei hicat atau a la disposicion de tots. Qui que sii que pòt tanben har los exercicis perpausats shens estar forçadament identificat.
   
•  Dens la rubrica « Ensenhament a distància », las personas isoladas o qui an oraris qui ne'us dèishan pas la possibilitat d'assistir a cors collectius d'ensenhament deu gascon, que pòden estar hicats en contacte dab un ensenhaire entà recéber cors particulars a distància.  Aquera rubrica qu'ei un complement de la precedenta.
   
•  La rubrica « Comandar libes » que da la possibilitat de comandar libes de las edicions Per Noste o simplament de consultar lo catalògue.
   
•  La rubrica « Documents audio » que perpausa documents sonòrs corts acompanhats de questions de comprenença o d'un quiz entà desvolopar la comprenença orau. Las personas identificadas qu'i pòden hornir los documents sonòrs que desiran, especiaument en ua amira pedagogica. Qu'i tròban tanben ua seria d'extrèits d'òbras literàrias lejuts.
   
•  La rubrica « Documents video » que perpausa filmòts de cort metratge, e especiaument los deu hestenau Cinebrac, organizat per Per Noste.
   
•  Dens la rubrica « Telecargament », que podetz telecargar documents pedagogics elaborats entà l'ensenhament deu gascon en primari, mesas a dia deu cederòm de recèrca, ua demostracion deu foncionament deu cederòm « Apprends-moi le gascon » e documents explicatius entà l'installacion deu corrector ortografic gascon entaus logiciaus libres OpenOffice.org e Thunderbird.
   
• Que trobaratz tanben la costumèra rubrica « ligams ».

Bona visita.

Adiu Gilabèrt

Qu'aprenem dab hòrt de tristessa la mort de Gilabèrt Nariòo e que presentam las nostas condolenças a tots los sons tanhents e amics. Qu'estó ua empara entà Per Noste pendent decennis e qu'amuishè la via en mestior de correccion de la lenga. En mei d'estar un ancian president de Per Noste, qu'assegurè longtemps la relectura de la revista País Gascons a la quau èra pregondament estacat e on escrivó la celèbra cronica « Parlar plan » qui estó amassada en un obratge en 2017. Que consacrè tanben annadas de la soa existéncia au diccionari francés-gascon en tres volumes, deu quau estó l'un deus redactors màgers. Tota la soa òbra que contunarà d'estar portada e auborada per Per Noste.

Tot lo conselh d'administracion de Per Noste qu'ei de dòu, pr'amor de pèrder un membre e un amic fidèu.

E se vienèvatz a Ortès ?
E se possàvatz la pòrta de la nosta libreria ?
Que la haré beròi gai a Adelina de v’arcuélher e de’vs har un rebaish deu 5% sus tots los libes que cromparetz (a despart de’us qui ne còstan pas que la soma modica de 2€).

Negre mat 

de Felip Biu

Un jornalista joen e ambiciós a qui los superiors hèn misèrias, un escrivan de SF en hrèita d’inspiracion, un campion de Formula 1 qui’s defend lo títol contra concurrents d’ua traca navèra, un agent de la CIA retirat qui conta ua istòria estranha. Aquiu quauques uns deus personatges qui descobriratz en aquestas sèt novèlas fantasticas e de SF.

Mes digatz-me : ei ua I.A. ua maquina de calcular perfeccionada o un personatge ?

94 paginas – 14 x 22 – 2024 – 7 €

ISBN 978-2-86866-189-0

Comuns Papèrs

de Canhàs

De la ciutat ipertecnologica au desèrt postapocaliptic, ua idea que s’està invençuda : la vita ne’s pòt pas estofar.

Que’s susmauta tostemps, que s’incarna èste après èste.

Tisneròts qui, a despieit d’eths o convençuts, òbran tots suu telèr de la tragedia umana.

62 paginas – 14 x 22 – 2024 – 6,50 €

ISBN 978-2-86866-188-3

Timotèu que va tà l’escòla

de Rosemary Wells

Timotèu qu’ei hòrt ahuecat de començar l’escòla… dinc encontri a Claudi. Claudi que pòrta tostemps los vestits que cau. Claudi que balha tostemps las bonas responsas. E, sordeish que tot, Claudi qu’ei assedut au ras d’eth. Timotèu que’s sent a malaise, dinc encontri ua gojata qui a lo medish problèma dab la qui ei asseduda au ras d’era…

30 paginas – 21,6 x 26,7 – 2024 – 15,50 €

ISBN 978-86866-187-6